जाजरकोट :जाजरकोटको कुशे गाउँपालिकाबाट पाँच दिनदेखि बेपत्ता दुईजना पुरुष मृत अवस्थामा फेला परेका छन् । जिल्लाको कुशे गाँउपालिका ५ दमदालाका हराइरहेका ४८ वर्षीय  जीतबहादुर थापा र ५६ वर्षीय शाहीमल नेपाली मृत अवस्थामा फेला परेका हुन् ।

खेतमा काम गर्न गएका घरदेखि आधा घण्टाको दुरीमा रहेको उनीहरु पाँच दिनदेखि सम्पर्कविहीन थिए । कामबाट फर्किदै गर्दा खोला तर्ने क्रममा उनीहरु बेपत्ता भएको प्रहरीले जनाएको छ । जिल्ला प्रहरी प्रमुख डिएस्पी मधुकुमार थापाले हराइरहेका उनीहरुको खोजी गर्ने क्रममा शुक्रबार खेतदेखि दुई सय मिटर तल खोलाको तिरमा उनीहरुको शव फेला परेको बताए ।

उनिहरुको शव पोष्टमार्टमका लागि जिल्ला सदरमुकाम ल्याउन थालिएको उनले बताए । घटना भएको स्थलबाट सदरमुकाम देखि ३० किलोमिटर टाढा छ ।