एजेन्सी–अभिनेता सलमान खान अहिले रसियामा छन् । फिल्म टाइगर ३ को सुटिङका लागि उनी शुक्रबार त्यहाँ पुगेका हुन् ।

२०१२ मा रिलिज हिट फिल्म टाइगरको तेस्रो सिक्वेलको रुपमा यो बन्न लागेको हो । सलमानको रसिया सुटिङ सेटबाट फिल्मका केही तस्बिर अहिले बाहिर आएको छ । जसमा सलमान सुनौलो रंगको दाह्री, जु“गा र कपालमा विदेशी नागरिक झै देखिएका छन् । उनको दाह्री, जु“गा र कपाल निकै लामो देख्न सकिन्छ ।

सलमान अघिल्लो दुई सिक्वेल झै यो फिल्ममा पनि र एजेन्टको भूमिकामा देखिदैछन् । फिल्ममा कट्रिनाको समेत दमदार भूमिका रहेको छ । फिल्ममा इमरान हाशमी नेगेटिभ भूमिका भएपनि राम्रो भूमिकामा देखिदैछन् । इमरान भित्रिने दृश्य आकर्षक बनाउनका लागि निर्माण युनिटले दश करोड खर्च गरेको छ । यो सबैभन्दा महंगो एक्सन फिल्म हुन सक्ने बताइन्छ ।

फिल्मका निर्देशक मनिष शर्मा हुन् ।