प्रदेश नं २ को  पर्सा राष्ट्रिय निकुञ्ज क्षेत्रबाट १ सय ४ किलाे गाँजा सहित एक जना तस्कर पक्राउ परेका छन् ।

पक्राउ पर्नेमा मकवानपुर जिल्लाकाे मनहरि गाउँपालिका  का बुद्ध बहादुर भ्लोन रहेका छन् ।  पर्सा राष्ट्रिय निकुञ्ज र नेपाली सेनाकाे संयुक्त टाेलीले साे परिमाणकाे गाँजा सहित उनलाई निकुञ्ज क्षेत्रको भैंसे खाेलाको छेउ बाट पक्राउ गरेकाे हाे ।

चार जनाकाे संख्यामा रहेका गाँजा तस्करहरूलाई देखेपछी संयुक्त गस्ती टाेलीले लखेट्न थाले पछि तीन जना तस्करहरू गाँजाकाे पाेका फ्याँकेर भागेकाे र १ जना समातिएको पर्सा राष्ट्रिय निकुञ्जका सूचना अधिकारी संताेष भगतले बताए ।  गाँजा दश वटा पाेकामा रहेकाे १ सय ३ किलाे गाँजा र तस्कर भ्लोनलाई गस्ती टाेलीले आफ्नाें नियन्त्रणमा लिएर निकुञ्जमा बुझाएकाे र निकुञ्जबाट अनुसन्धान गरि थप आवश्यक कारावाहिका लागि पर्सा प्रहरीकाे जिम्मामा लगाईएकाे सूचना अधिकृत भगतले प्रेस चित्र डटकमलाई बताएका छन् ।

गाँजा सहित भ्लोनलाई पर्सा जिल्लाकाे क्षेत्रबाट पक्राउ गरिएकाे हुँनाले गाँजा सहित पक्राउ परेका तस्कर भ्लोनलाई पर्सा प्रहरी कै जिम्मामा लगाईएकाे छ ।