काठमाडौं, भदौ १ – बैंकहरुले निक्षेप तथा कर्जाको ब्याजदर सार्वजनिक गरेका छन् । अधिकांश बैंकहरुले ब्याजदर बढाएका छन् ।

तरलता अभाव शुरू भएसँगै बैंक तथा वित्तीय संस्थाले निक्षेप र कर्जाको व्याजदर बढाएका हुन् । वाणिज्य बैंकहरूले साधारण बचत र मुद्दती खाता दुवैको व्याजदर बढाएका हुन् ।

पछिल्लो समय बैंकहरुमा लगानीयोग्य रकमको अभाव भएसँगै बैंकहरुले बचत तथा मुद्दतीमा ब्याजदर बढाएका हुन् । बचत खातामा स्टान्डर्ड चार्टडले सबैभन्दा कम ब्याज २.५ देखि ४ प्रतिशतसम्म तोकेको छ।

बचतमा एनएमबि बैंकले दिने ब्याजदर सबैभन्दा बढी छ। सो बैंकले न्यूनतम ४.५२ देखि अधिकतम ६.२५ सम्म तोकेको छ। बैंकहरुले बचत खातामा दिने ब्याजको अन्तर २ प्रतिशतभन्दा बढी राख्न पाउँदैनन् ।

बैंकहरूमा लगानीयोग्य रकमको चरम अभाव भएपछि निक्षेप जोगाउन र अरू थप पैसा आकर्षित गर्न ब्याजदर बढाएका हुन् ।

बैंक तथा वित्तीय संस्थामा लगानीयोग्य रकमको अभाव हुन थालेपछि बैंकहरूबीच निक्षेप खोसाखोस गर्नुपर्ने अवस्था छ । त्यसैले व्याजदर बढाउन उनीहरू उद्यत भएका हुन् । कर्जाको मागको तुलनामा निक्षेप कम संकलन हुँदा तरलताको दबाब देखिएको हो । बजारमा तरलताको समस्या देखिन थालेपछि नेपाल राष्ट्र बैंकले पछिल्लो ‘ओपन मार्केट अपरेसनमार्फत’ दुई सातामा दुईपटक गरी करिब ५० अर्ब रुपैयाँ तरलता पठाएको छ । बजारमा तरलताको अभाव देखिन थालेपछि बैंक तथा वित्तीय संस्थाले अन्तर बैंक सापटी र ‘एसएलएफ’ लिने क्रम तीव्ररूपमा बढेको छ ।

हेरौं कुन बैंकले कति दिन्छन् ब्याजदररु :