रौतहट ।  प्रदेश नं २को रौतहटमा खोलाले बगाउँदा एक युवकको मृत्यु भएको छ । मृत्यु हुनेमा  चन्द्रपुर नगरपालिका वडा नम्बर ३ गैंडाटारका १४ वर्षिय सुकराम ठोकर रहेका छन् ।

उनको रौतहटको चाँदी खोला तर्ने क्रममा बाढीले बगाउँदा मृत्यु भएको हो । खोलाले बगाएर वेपत्ता बनाएको उनको शव आइतबार बिहान बगाएको स्थानबाट करिब ३ किलोमिटर टाढा फेला परेको वडाध्यक्ष वोधनाथ देवकोटाले जानकारी दिए ।

वडाध्यक्षअनुसार गैंडाटारबाट आफ्नो घर चिसापानी जाने क्रममा बीचमा पर्ने चाँदी खोला तर्नेक्रममा मृत्यु भएको हो। उक्त स्थानमा पुल नहुँदा बर्खाका ओहोर दोहोर गर्न स्थानीयलाई  निकै सास्ति पर्ने गरेको छ ।