प्रदेश नं २ रौतहटको चन्द्रनिगाहपुर लमहामा बाघले आक्रमण गर्दा एक जना पुरुष घाइते भएका छ्न ।

रौतहटको चन्द्रनिगाहपुर लमहामा चन्द्रपुर वडा नम्बर ६ थोकरटोलका यज्ञबहादुर रायमाझी बाघले आक्रमण गर्दा घाइते भएका हुन । आज बिहान घाँस लिन लमहातर्फ जाँदै गरेका रायमाझिलाई राजमार्ग छेउमै बाघले आक्रमण गरेको हो ।

६ जनाको समूहमा घाँस लिन हिँडेका उनलाई बाघले आक्रमण गरेपछि आफूसँग भएको बन्चरो बाघलाई प्रहार गरेको घाइते रायमाझीले बताउनुभयो । उहाको दुवै हातमा बाघले चिथोरेको छ । घाइते रायमाझीको चन्द्रनिगाहपुरको एक अस्पतालमा उपचार भइरहेको इलाका प्रहरी कार्यालय चन्द्रनिगाहपुरले जनाएको छ ।