सामाजिक सस्था युथ अफ निजगढले सोमबार बिहान बडादशैं, दिपावली, छठ पर्व र नेपाल संवतको अवसरमा शुभकामना आदान प्रदान कार्यक्रमको आयोजना गरेको छ ।
कार्यक्रमको प्रमुख अतिथीमा निजगढ नगरपालिकका प्रमुख सुरेश खनाल, विशिष्ठ अतिथहरुमा उपप्रमुख लिलादेबी लामिछाने, नेकपा एमाले केन्द्रीय कमिटी सदस्य अच्युत मैनाली, निजगढ नगरपािलकाका वडा अध्यक्षहरु केशव ढोडारी, टेकबहादुर लामा, कुशबहादुर थापा, नेकपा एमाले निजगढ अध्यक्ष दिलबहादुर लामा, राप्रपा निजगढ अध्यक्ष खडग उप्रेती, निजगढ गाविसका पूव अध्यक्ष एकबहादुर श्रेष्ठ, उपाध्यक्ष अम्बिकाप्रसाद चौलागाई, ईलाका प्रहरी कार्यालय निजगढका प्रमुख, जिल्ला ट्राफिक कार्यलय निजगढका प्रमुख, सशस्त्र प्रहरी बल निजगढका प्रमुख, सगरमाथा सहकारी संस्थाका अध्यक्ष भोलाप्रसाद गौतम हरनु भएको थियो ।

सो कार्यक्रममा सहभागीहरुले एकआपसमा शुभकामना आदानप्रदान समेत गर्नुभएको थियो ।
युथ अफ निजगढका पुर्व अध्यक्षहरु र अन्य संस्थालाई बिषेश योगदान पुर्याउनेहरुलाई सम्मान पनि गरिएको थियो । कार्यक्रममा निजगढ नगर प्रमुख खनाल र उपप्रमुख लामिछानेले पुर्व अध्यक्षहरुलाई सम्मान पत्र र दोसल्ला ओडाएर सम्मान गर्नुभएको हो ।

युथ अफ निजगढका अध्यक्ष इराज कोइरालाको अध्यक्षतामा भएको सो कार्यक्रमको स्वागत मन्तव्य राजन श्रेष्ठ र संचालन भाइकाजी श्रेष्ठले व्यक्त गर्नुभएको थियो । कार्यक्रम सगरमाथा सहकारी संस्थाको सभा हलमा आयोजना भएको थियो ।