बसन्त लामा  ,बारा – कार्तिक ७ /   निजगढ नगरपालिका को वडा नम्बर १ बनस्थली हाट बजार स्थित ने क पा एमाले पार्टीको शुभकामना आदान प्रदान तथा कार्यकर्ता भेला कार्यक्रम सम्पन्न भएको छ |

वडा नम्बर १ को ने क पा एमालेको वडा कमिटिको आयोजनामा शुभकामना आदान प्रदान तथा कार्यकर्ता भेला कार्यक्रम सम्पन्न भएको हो |

कार्यक्रमका प्रमुख अतिथि नेकपा एमालेका नेता एंव युवा तथा खेलकुद पूर्वमन्त्री पुरुषोत्तम पौडेल र केन्द्रीय सदस्य अच्युत मैनालीले नव प्रवेशीहरुलाई अबीर र माला लगाएर पार्टीमा स्वागत गर्नुभएको थियो । नेकपा एमाले वडा नम्बर १ कमिटीका अध्यक्ष मिमबहादुर लामाको अध्यक्षतामा भएको सो कार्यक्रममा एमाले बारा जिल्ला कमिटी सदस्य एकबहादुर श्रेष्ठ, नारायणप्रसाद गौतम, लिलादेबी लामिछाने, जनसास्कृति महासंघ केन्द्रीय कमिटी सदस्य रामकृष्ण घिमिरे, पार्टी जिल्ला कमिटी सल्लाहाकार कमिटी सदस्य अम्बिका चौलागाई, निजगढ खानेपानी तथा सरसफाइ समितिका अध्यक्ष सुदर्दशन कोइराला र एमाले निजगढ नगर कमिटी अध्यक्ष दिलबहादुर लामालगायतको उपस्थिति रहेको थियो ।

सो कार्यक्रममा निजगढ सिंगौलको ने क पा एमाले पार्टीका सिर्स नेता गणको उलेखनिय सहभागिता रहेको थियो | कार्यक्रममा सिंगौल वडा नम्बर १ र ३ को ५७ जना स्थानीय नेपाली कांग्रेस पार्टी र ने क पा माओबादी केन्द्र परित्याग गरी ने क पा एमाले पार्टीमा प्रवेश गरेका छन |

पार्टी प्रबेस गरेका सदस्यहरुलाई पूर्व खेलकुद मन्त्री पुरुषोतम पौडेलले अविर र खादा लगाई स्वागत गरेका थिए  | कार्यक्रम ने क पा एमालेको वडा नम्बर १ को वडा कमिटिको अध्यक्ष मिम बहादुर लामाको अध्यक्षतामा सम्पन्न भएको थियो भने कार्यक्रम को संन्चालन बिदुरलाल श्रेष्टले गर्नु भएको थियो |