लायन्स क्लब अफ निजगढ सिटीले शुक्रबार निजगढ नगरपालिका वडा नं ७ माझी टोलका अतिविपन्न समुदायका २० जनालाई कम्बल वितरण गरेको छ ।

क्लबले वडा नम्बर ७ का कार्यवहाक वडा अध्यक्ष रामबहादुर माझीको रोहबरमा चीसोबाट प्रभावित विपन्न परिवारका सदस्यहरुलाई २० थान न्यानो कम्बल वितरण गरेको क्लबका खडकप्रसाद मैनालीले जानकारी दिनुभयो । कम्बल वितरण कार्यक्रममा क्लबका अध्यक्ष मणिश्वर घिमिरे, विष्णुगोपाल रिसाल, नविन खनाल, खडगराज मैनाली , मुना बुढाथोकी लगायतको सहभागिता रहेको थियो ।

यस अघि पनि लायन्स क्लब अफ निजगढद्वारा निजगढमा वृक्षारोपण , जितपुरसिमरा १५मा सिरक , निजगढ सडकटोलमा प्रजनन् स्वास्थ्य शिवीर , रक्तदान लगायतका थुप्रै कार्यक्रमहरु गर्दै आइरहेको छ ।