निजगढ ७ स्थित लोकप्रिय बचत तथा ऋण सहकारी संस्थाको १३ औं साधारण सभा हिजो सम्पन्न भएको छ ।

सहकारीका अध्यक्ष अम्बिका चौलागाईको अध्यक्षतामा भएको सो कार्यक्रमको उद्धाटन बारा क्षेत्र नम्बर १ बाट प्रतिनिधि सभा सदस्य अच्युत मैनालीले गर्नुभएको थियो । कार्यक्रममा जनप्रतिनिधि सम्मान कार्यक्रम अन्तरगत संघीय सांसद मैनाली, मधेस प्रदेश सभा सदस्य त्रिलोकी चौधरी, मिना लामा, निजगढ नगर प्रमुख सुरथ पुरी, उपप्रमुख सोममाया थिङ्ग, वडा नम्बर ३ का वडा अध्यक्ष गोकुल तिमल्सिना, वडा नम्बर ६ का वडा अध्यक्ष घनश्याम तिमल्सिनलाई सम्मान गरिएको थियो ।

त्यसैगरी उत्कृष्ट बचतकर्ता राजन श्रेष्ठ, अम्बिका घिमिरे, प्रेमध्वज वल र सूर्य मालाकार तथा उत्कृष्ट ऋणीको रुपमा सुमनबहादुर खत्री, अरुणकुमार साह र लेखबहादुर अस्थानीलाई पनि सम्मान गरिएको छ । त्यस्तै उत्कृष्ट कर्मचारीको रुपमा सहकारीकी बजार प्रतिनिधि अस्मिता गौतम र संस्थाका पूर्व कर्मचारी गोकुलप्रसाद तिमल्सिना, गायत्री दवाडी र मनोज खडकालाई पनि सम्मान गरिएको थियो ।

५२५ जना सेयर सदस्य रहेको लोकप्रिय सहकारीले यो वर्ष २० करोड ३८ लाख कारोबार गर्दै आएको छ ।