श्याम गुप्ता  बारा, २६ फागुन ।

बाराका सञ्चारकर्मी राेशन गुप्ता माथी दुव्र्यवहारका साथै हातपात भएको छ ।
प्रेस चौतारी नेपाल, बाराका जिल्ला कार्यसमिति सदस्य एवंम् एसएलएफ खबरका सञ्चालक समेत रहेका गुप्ता माथी बिहिवार जीतपुरसिमरा उपमहानगरपालिका वडा नं.५ को कार्यालय अगाडी दुर्व्यवहार र हातपात भएको हाे ।
समाचार संकलनका लागी पुगेका गुप्तालाई केही व्यक्तीले दुर्व्यवहार र हातपात गरेका थिए । सडक ढलान योजनाको भुक्तानीको विषयलाई लिएर समाचार संकलन गर्न पुगेका गुप्ता माथी घनश्याम चौधरी सहिँत केही व्यक्तिले दुर्व्यवहार गरेका हुँन् ।
गुप्ता माथी हातपात गर्दै उनको मोबाइल समेत फुटाइएको छ । करिब १ घण्टा सम्म माेवाईल नियन्त्रणमा लिएर उनिहरूले माेवाईलबाट खिचिएकाे भिडियाे र फाेटाेहरू डिलिट गरेका थिई ।
गुप्ता माथी हातपात हुँन थाले पछि स्थानीयले छुट्याएका थिए । आँफू माथी हातपात भए पछि गुप्ताले दोषीमाथी कडा भन्दा कडा कारवाहीको माँग गरेका छन् ।
यसैगरी प्रेस चौतारी नेपाल, बाराले बिहिवार विज्ञप्ति जारी गर्दै सञ्चारकर्मी गुप्ता माथी हातपात र दुर्व्यवहार गर्ने माथी कारवाहीको माँग गरेको छ । समाचार संकलन गरिरहेकै बेला गुप्ता माथी हातपात हुँनु दुःखद् रहेको जनाउँदै चौतारी बाराले घटनाको छानविन गरी दोषी उपर कारवाहीको माँग गरेको छ ।