बारा क्षेत्र नं २ को प्रारम्भिक मत परिणाम  बाहिरिएको छ । दिउसो १ः४० बजेको  मत अपडेट अनुसार जसपाका उपेन्द्र यादवले २२४ मत प्राप्त गरेका छन् ।  तेस्तै जनमतका शिवचन्द्र कुशवाहले १७० मत प्राप्त गरेका छन् भने एमालेका पुरुषोत्तम पौडेलले १६६ मत प्राप्त गरेका छन् ।

हालसम्म ६७० मत गणना भइसक्दा  रवि लामिछाने नेतृत्वको रास्वपाका रमेश खरेलले भने ८० मत ल्याएका छन् । यस्तै प्रभु शाह नेतृत्वको आम जनता पार्टीका उम्मेदवार अरुण ज्ञवालीले १२ मत प्राप्त गरेका छन् ।  ६७० मत गन्दा यस्तो अपडेट आएको हो भने करैयामाई १ स्थित हेल्थ पोष्ठको मत गनिएको थियो । हाल सुवर्ण १ को मतगणना कार्य भईरहेको छ ।

यस क्षेत्रमा १ लाख ५ हजार २ सय ४८ जना मतदाता रहेका थिए ।

उक्त मतदाताबाट ६८ हजार आठ सय ८७ मत खसेको र शान्तिपूर्णरुपमा मतदान सम्पन्न भएको मुख्य निर्वाचन अधिकृत मुकेश उपाध्यायले जानकारी दिएका छन् । ५ वटा पालिकामा ८२ वटा मतदान स्थल र १३७ वटा मतदान केन्द्र तोकिएको थियो ।