बारा क्षेत्र नं २ को प्रारम्भिक मत परिणाम  बाहिरिएको छ । दिउसो २:४० बजेको  मत अपडेट अनुसार जसपाका उपेन्द्र यादवले ४५८ मत प्राप्त गरेका छन् ।  तेस्तै जनमतका शिवचन्द्र कुशवाहले ३५८ मत प्राप्त गरेका छन् भने एमालेका पुरुषोत्तम पौडेलले ३१७ मत प्राप्त गरेका छन् ।

तेस्तै रवि लामिछाने नेतृत्वको रास्वपाका रमेश खरेलले भने १६९ मत ल्याएका छन् । यस्तै प्रभु शाह नेतृत्वको आम जनता पार्टीका उम्मेदवार अरुण ज्ञवालीले ३१ मत प्राप्त गरेका छन् ।    हाल सुवर्ण १ को मतगणना कार्य भईरहेको छ ।

यस क्षेत्रमा १ लाख ५ हजार २ सय ४८ जना मतदाता रहेका थिए ।

उक्त मतदाताबाट ६८ हजार आठ सय ८७ मत खसेको र शान्तिपूर्णरुपमा मतदान सम्पन्न भएको मुख्य निर्वाचन अधिकृत मुकेश उपाध्यायले जानकारी दिएका छन् । ५ वटा पालिकामा ८२ वटा मतदान स्थल र १३७ वटा मतदान केन्द्र तोकिएको थियो ।