विभिन्न अनलाइन गेममार्फत सट्टेबाजी खेलमा संलग्न रहेको आरोपमा प्रहरीले बारा जीतपुरसिमराका २ सहित चार जनालाई पक्राउ गरेको छ ।

बारा जिल्ला जीतपुरसिमरा उपमहानगरपालिका वडा नम्बर ९ घर भई हाल काठमाडौं महानगरपालिका वडा नम्बर १४ कलंकी बस्ने २४ वर्षीय राजा चौधरी, बारा जीतपुरसिमरा उपमहानगरपालिका वडा नम्बर ८ घर भई हाल काठमाडौं महानगरपालिका वडा नम्बर.१४ कलंकी बस्ने २५ वर्षीय विवेक चौधरीलाई प्रहरीले पक्राउ गरेको छ ।

त्यसैगरी पक्राउ पर्नेमा काठमाडौं महानगरपालिका वडा नम्बर ६ ठमेल बस्ने २५ वर्षीय रितेन्द्र प्रधान र नवलपरासी त्रिवेणी सुस्ता गाउँपालिका वडा नम्बर २ कुरिया घर भई हाल काठमाडौं महानगरपालिका वडा नम्बर २६ ठमेल बस्ने २४ वर्षीया आशा गुरुङ रहेका छन । काठमाडौं उपत्यका अपराध अनुसन्धान कार्यालयको टोलीले उनीहरुलाई विभिन्न स्थानबाट पक्राउ गरेको हो ।

उनीहरूले आफ्नो मोबाइलमा इन्स्टल भएको २ एकाउन्टस् भन्ने एप्लिकेसनमार्फत विभिन्न अनलाइन ग्याम्बलिङ प्ल्याटफर्मको प्रयोग गरी अनलाइन क्यासिनो गेमहरूमा रकमको बाजी लगाई सट्टाबाजी गराइ खेल खेलाउने गरेको प्रारम्भिक अनुसन्धानको क्रममा खुल्न आएको प्रहरीले जनाएको छ ।