चितवन । नारायणगढ–मुग्लिन सडक खण्डको तीन नम्बर पुल नजिकै आज बिहान गुडिरहेको कन्टेनरमाथि पहिरो खसेको छ ।

पहिरोमा परेको कन्टेनर पल्टिएको र उक्त स्थाको पहिरो हटाउन सुरु गरिएको छ । अहिले सडक दुईतर्फी नै ठप्प छ ।

नारायणगढ देखि काठमाडौ तर्फ जाँदै गरेको ना ६ ख ७१० नं. को कन्टेनर (डिब्ब)ट्रकमा अचानक माथिबाट पहिरो खस्दा वीरगञ्ज बस्ने बर्स ३५ को राम पुकार घाइते भएको जिल्ला प्रहरी कार्यालय चितवनले जनाएको छ ।

उनको हाल हाइवे अस्पताल लगेको उपचार भइरहेको र उनको अवस्था मध्यम रहेको प्रहरीले जनाएको छ । अहिले उक्त कन्टेनर हटाउन पहल भई रहेको चितवन प्रहरीले जनाएको छ।

पछिल्लो केही दिनमै उक्त स्थानमा पटक–पटक पहिरो खसेको छ । हिजो (आइतबार) झण्डै १८ घण्टा अवरुद्ध भएको यो सडक साँझबाट सुचारु भएको थियो ।