देश र जनताको लागि जीवन उत्सर्ग गर्ने शहीदहरुको सम्झनामा हिजो निजगढ नगरपालिकामा शहीदहरुको फोटोमा माल्यार्पण गर्दै शहीद दिवस मनाईएको छ ।

निजगढ नगरपालिका कार्यालय परिसरमा नगर प्रमुख सुरथ पुरीको अध्यक्षतामा भएको सो कार्यक्रममा शहीदहरुको फोटोमा माल्यार्पण सहित शहिदहरुको योगदानको चर्चा गरिएको थियो । सो कार्यक्रममा निजगढ नगरपालिकाका उपप्रमुख सोममाया थिङ, प्रमुख प्रशासकीय अधिकृत अजय बर्तौला, वडा अध्यक्षहरु, नगर कार्यपालिका सदस्यहरु, कर्मचारीहरु तथा संचारकर्मीहरुको उपस्थिति रहेको थियो ।

कार्यक्रममा नगरप्रमुख सुरथ पुरी,नगर उप-प्रमुख  सोममाया थिङ, वडा  नं ८का अध्यक्ष स्वर्ण लामाले शहिदहरुको योगदानको बिषयमा बोल्नु भएको थियो भने कार्यक्रमको संचालन नगरपालिकाका सुचना अधिकारी रविन घिमिरेले गर्नुभएको थियो ।