बारा प्रहरीले लागु औषध बोकेको एउटा कारसहित ४ जनालाई अमलेखगन्जबाट पक्राउ गरेको छ ।

ईलाका प्रहरी कार्यालय अमलेखगन्जबाट खटिएको टोलीले बिआर ०५ एए ४२८५ नम्बरको भारतीय कारबाट लागु औषध अनेक्स सिरप (१ सय एमएल) को १० थान बोतलसहित उनीहरुलाई शनिवार नियन्त्रणमा लिएको हो । हेटौडाबाट वीरगञ्जतर्फ आउदै गरेको सो कार अमलेखगन्जस्थित त्रिभुवन राजपथमा रोकेर चेकजाँच गर्ने क्रममा कार बक्सभित्र लुकाएको अवस्थामा चालक पर्सा जिल्ला बहुदरमाई नगरपालिका वडा नम्बर ४ बस्ने अन्दाजी वर्ष २० को राजेश्वकर साह, कारमा सवार वीरगञ्ज महानगरपालिका वडा नम्बर १७ बस्ने वर्ष ३५ अमरूलाहक अंसारी, सोही ठाउँ बस्ने वर्ष ३५ को शेख फजिललाई लागु औषधसहित नियन्त्रणमा लिइएको जिल्ला प्रहरी कार्यालय बाराका प्रहरी नायब उपरीक्षक दधिराम न्यौपानले जानकारी दिनुभयो ।

पक्राउ परेकाहरुलाई लागु औषध मुद्दा दर्ता गरी जिल्ला अदालत बाराबाट हिजो ५ दिनको म्याद लिएर थप अनुसन्धान कार्य भईरहेको उपरीक्षक न्यौपानेले बताउनुभयो ।