काठमाडौं । नेपालको चाँगुनारायण नगरपालिका संसार भरीका उत्कृष्ठ १० नगरपालिकाको सूचीमा परेको छ ।

हालै खुला तथ्यांक प्रणाली (ओपन डाटा सिस्टम) मा गरेको योगदानका कारण सो नगरपालिका संसारकै उत्कृष्ठ नगरको सूचीमा पर्न सफल भएको हो । यो नेपालको तर्फबाट उपाधि जित्ने पहिलो नगरपालिका समेत हो ।

संयुक्त राज्य अमेरिकाको न्युयोर्क विश्वविद्यालय स्कुल अफ इन्जिनियरिङ्ग अन्तर्गत सञ्चालित ओपन सिटी इन्क्युबेटर कार्यक्रमले यस्तो घोषणा गरेको हो ।

नगरपालिकाका तर्फबाट सूचना प्रविधि अधिकृत सिद्धान्त न्यौपाने नेपालको तर्फबाट यस कार्यक्रमको लागि सहभागिता जनाएका थिए ।

अहिले चाँगुनारायण नगरपालिकाले ओपन डाटाका लागि छुट्टै वेभसाइट निर्माण गरी सञ्चालनमा ल्याएको छ । https://changuportal.naxa.com.np/ डोमेन भएको यो साइटमार्फत् सो नगर क्षेत्रका महत्वपूर्ण जानकारी हासिल गर्न सकिन्छ ।

यो नगरपालिकासँगै उत्कृष्ठ १० को सूचीमा अमेरिकाका ४, क्यानडा, इजरायल, अर्जेन्टिना, इक्वेटर, रोमानियाका एक-एक शहरहरु यो सूचीमा परेका छन् । एशियाबाट उत्कृष्ठमा पर्ने यो नै एकमात्र शहर पनि हो । नेपालको तर्फबाट उपाधि जित्ने यो पहिलो नगरपालिका समेत हो ।

यस कार्यक्रममा छनौट हुने शहरहरुका १० अधिकारी एवं सल्लाकारहरु लाई प्रशिक्षण एवं अन्तराष्ट्रियस्तरमा आफ्नो विचारहरुको लागी पहुँचको उपयोग गर्ने दिनेछ। यसले विभिन्न शहरी चुनौतिहरुमा अत्याधुनिक काम सक्षम बनाउनेछ र अधिकारीहरु लाई डेटा सहयोगी, डाटा साझेदारी सम्झौता,र अन्य प्रणालीहरु विकास गर्न सशक्त बनाउनेछ।