प्रलाद तिमल्सिना , काठमाडौं ।

 एमाले विभाजन मेरो जीवनको लागि दोश्रो सबभन्दा अप्रिय घटना भन्दै  माधव नेपालको साथ छोडेर सुर्य रोजेका पुर्व मन्त्री पुरुषोत्तम पौडेलले एक पछि अर्को सामाजिक संजालमा स्टाटस राखेका छन ।

नेकपा एमाले विभाजनपछि शुरुमा नेकपा एसमा राखिएका तर कतै गतिविधिमा नदेखिएका नेता तथा पूर्व खेलकुद मन्त्री पुरुषोत्तम पौडेलले पार्टी विभाजनको १ महिनापछि आफू एमालेमै रहने घोषणा गरेका छन् । उनी त्यसअघि माधव नेपाल पक्षको समानान्तर गतिबिधिमा थिए ।

बाराबाट पटक पटक निर्वाचित लोकप्रिय नेता पौडेल एमालेको खेलकुद महासंघको अध्यक्ष थिए ।

 एमालेका पूर्व केन्द्रीय सदस्य समेत रहेका पौडेलले ४३ वर्ष बिताएको पार्टी छाड्न मन नलागेपछि एमाले भित्रै अन्तरसंघर्ष गर्ने निष्कर्षमा पुगेको बताएका छन् ।

पार्टी विद्रोह गर्दै माधव कुमार नेपाल नेतृत्वमा नेकपा (एकिृकत समाजवादी) पार्टी गठन हुदाँ केन्द्रीय सदस्य बनेका नेता पौडेल राजनीतिक गतिविधिमा निष्कृय बनेका थिए । तर हिजो सांझ उनले सामाजिक संजालबाट आफु एमालेलाई माया गर्ने भन्दै स्टाटस राखेपछी धेरैले बधाई तथा शुभकामना दिए ।

उनले पछिल्लो पटक सामाजिक संजालमा राखेको स्टाटस  पढौ ।

हिजोका दिनहरूमा पार्टी एकता र सुदृढएमाले निर्माणका लागि एकता र सहकार्यको लागि नेतृत्वसँग प्रशस्तअसन्तुष्टी पोखिएकै हो । हाम्रो असन्तुष्टी, आग्रह र त्यसको प्रतिविम्व पार्टी विभाजन छँदै थिएन । मसहित थुप्रै कमरेडहरूले राख्नुभएको असन्तुष्टी र उठाएको आवाजलाई नेकपा एमालेको विभाजनले कदापि सम्बोधन गर्न सक्दैन । असन्तुष्टी आफैंमा निरन्तर प्रकट भईरहने प्रकृया हो र यो सर्वव्यापी हुन्छ ।