हेटौंडामा आइतबार विहान करिब ९ बजे वडा–१० स्थित बासुदेवमार्गबाट अपहरित एक सुनचाँदी व्यवसायीको सकुशल उद्धार गरिएको छ ।

वडा–११ घर भएर बासुदेवमार्गमा जेएस सुनचा“दी पसल सञ्चालक करिब ४० वर्षीय जीतेन्द्र बिश्वकर्मालाई अपहरणमुक्त गरिएको हो ।

पक्राउ पर्नेहरुमा हेटौंडा–१० बस्ने ३९ वर्षीय बिनोद लाल श्रेष्ठ, ३० वर्षीय अनिल लामा, हेटौंडा–५ बस्ने ३२ वर्षीय बुद्ध लामा र हेटौंडा–२ बस्ने २७ वर्षीय आदेश लामा रहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।

उनका अनुसार, उनीहरुलाई जिल्ला प्रहरी कार्यालय मकवानपुरको टोलीले हेटौंडा उपमहानगरपालिका वडा नम्वर ५ स्थित मकवानपुर रिकभरिङ्ग समुहको हाताभित्रबाट आज (आइतबार) बिहान ११ बजेर ४० मिनेटको समयमा पक्राउ गरेको हो ।

बिहान ९ बजेको समयमा बिश्कर्मालाई बा २० च ८९६० नम्बरको सेतो कारमा आएका ४/५ जना अपरिचित व्यक्तिहरुको समूहले अपहरण गरेको भन्ने विशेष सूचनाको आधारमा पुगेको प्रहरी टोलीले खोजतलास गर्ने क्रममा हेटौंडा– ५ स्थित मकवानपुर रिकभरिङ्ग समुहको कार्यालय अगाडी उक्त कार फेला पारी अपहरण गर्ने कार्यमा संलग्न उनीलाई पक्राउ गरेको प्रहरी नायव उपरीक्षक रिमालले बताए ।

अपहरित बिश्वकर्मालाई सकुशल उद्दार गरी पक्राउ परेकाहरुमाथि आवश्यक अनुसन्धान अगाडि बढाइएको जिल्ला प्रहरी कार्यालय मकवानपुरले जनाएको छ ।