काठमाडौंको नयाँ बानेश्वर स्थित बागमती नदी किनारको छेउमा एक महिलाको शव फेला परेको छ ।

शान्तिनगर गेटबाट भित्र पर्ने बानेश्वर क्याम्पस नजिकै बागमती खोला किनारमा शव भेटिएको महानगरीय प्रहरी वृत बानेश्वरका प्रहरी निरीक्षक केशर न्यौपानेले जानकारी दिए ।

उनका अनुसार किनारमा भेटिइकी महिलाको शव अर्धनग्न अवस्थामा रहेको छ । शव नदीले बगाएर ल्याएको हुन सक्ने र फलामे पुलको टेकोमा अड्केको अवस्थामा भेटिएको न्यौपानेले बताए ।

शव पोष्टमार्टमका लागि त्रिवी शिक्षण अस्पताल महाराजगंज पठाइएको प्रहरीले जनाएको छ । घटनाको थप बिवरण आउन बाँकी रहेको छ ।