जिल्ला ट्राफिक प्रहरी कार्यालय वाराले ‘तपाईको मास्क खोई ?’ कार्यक्रम सञ्चालन  गरेको छ ।

‘६६ औ प्रहरी दिवस २०७८’ को अवसरमा आज (आइतबार) वाराको निजगढ मुख्य बजार शहिद चोकमा ‘तपाईको मास्क खोई“ भन्ने कार्यक्रम सञ्चालन साथै निशुल्क मास्क समेत वितरण गरिएको जिल्ला ट्राफिक कार्यालय निजगढका प्रहरी निरीक्षक बिपिन ओझाले जानकारी दिनुभयो ।

बिहान ८ बजे शुरु भएको कार्यक्रम सहित प्रभातफेरीमा पूर्वपश्चिम राजमार्गको शहिदचोकबाट बुद्धचोक हुदै पुन शहीद चोकमा आएर समापन गरिएको थियो । प्रभातफेरीमा ट्राफिक नियम , सुचना  माइकिङ्ग मार्फत  दुर्घटनाबाट कसरी जोगिन भनेर चालक, सर्वसाधारणलाई सचेत गराइएको थियो ।

सो कार्यक्रममा स्थानीय समाजेवी, व्यवसायी, चालक, सहचालक, सुरक्षाकर्मीहरुको  सहभागिता रहेको थियो ।