लायन्स क्लब अफ निजगढ र लायन्स क्लब अफ निजगढ पिसको सयुक्त आयोजनामा निजगढको विभिन्न ३ स्थलमा शनिबार वृक्षारोपण कार्यक्रम समापन भएको छ । लायन्स क्लबको बार्षिक कार्यक्रम अनुसार हरेक बर्ष बृक्षारोपण कार्यक्रम अनुसार गर्दै आएको यस बर्षको बृक्षारोपण कार्यक्रम सम्पन्न भएको छ ।

सो कार्यक्रम निजगढ नगरपालिका वडा नम्बर ९ स्थित सहीद हिरालाल रंगशालाको परिसरमा लायन्स क्लब अफ निजगढका प्रेसिडेन्ट दीपेन्द्र श्रेष्ठ र लायन्स क्लब अफ निजगढ पिसका प्रेसिडेन्ट रन्जन लामिछानेले सयुक्त रुपमा वृक्षारोपण गरी कार्यक्रमको सुरुवात गरेका थिए । निजगढ फुटबल क्वलका अध्यक्ष शम्भु थापा सदस्य अजय लामा र महिला फुटबल खेलाडी लगायतको समुहले निजगढ नगरपालिका वडा नम्बर ९ स्थित हिरालाल रंगशालामा बृक्षारोपणमा सहयोग गरेको थियो ।

यस्तै वडा नम्बर ९ स्थीत श्री गौरीशंकर क्याम्पस परिसरमा क्याम्पस समितीका अध्यक्ष एक बहादुर श्रेष्ठ , शिक्षकहरु र वडा नम्बर ६ स्थित निर्माणधिन चिल्ड्रेन पार्कमा वडा अध्यक्ष कुश बहादुर थापाको रोहबरमा वृक्षारोपण सम्पन्न भएको थियो ।
वृक्षारोपण कार्यक्रम लायन्स क्लबले बिभिन्न समयमा गर्दै आएको र त्यसैको निरन्तर्ता दिने क्रममा उपयुक्त स्थल पहिचान गरी यस पटक तीन स्थलमा वृक्षारोपण गरिएको लायन्स क्लब अफ निजगढका प्रेसिडेन्ट दीपेन्द्र श्रेष्ठले बताए । अघिल्लो बर्ष मात्रै क्लबले करिब २५ हजार विरुवाको वृक्षारोपण गरेको बताउछन लायन्स क्लब अफ निजगढ पिसका प्रेसिडेन्ट रन्जन लामिछाने ।
हेरौ भिडियो