बाराको महानगढीमाई नगरपालिकाको एक विद्यालयबाट ७ वटा कम्प्युटर सेट राति चोरी भएको छ ।

महागढीमाई नगरपालिका वडा नम्बर ६ बबुआइनमा रहेको श्री नेपाल राष्ट्रिय माध्यमिक विद्यालयकोे कम्प्युटर कोठामा जडान गरिएको कम्प्युटर बिहीवार राति चोरी भएको हो । विद्यालयका प्रधानाध्यापक सुरेश सिंहले दिएको जानकारीअनुसार अज्ञात समूहले कोठाको ढोकाको ह्याण्डिल काटेर कम्प्युटरको हार्डडिक्स, सिपियु, सिसी क्यामराको मोनिटर लगायतको सामग्री चोरी गरेको हो ।

जिल्लामा बढ्दै गएको जुवातास, घरेलु मदिराको निर्वाद बिक्री वितरण र राती अबेलासम्म बजार तथा पसल संचालन गर्न दिइएकाले यस क्षेत्रमा चोरी लगायतका अपराधिक क्रियाकलाप वृद्धि भएको स्थानीयको भनाइ छ । प्रहरी चौकी बरियारपुर र तेलकुवा प्रहरी चौकी नजिकै हुलाकी राजमार्गमा अवस्थित विद्यालयबाट कम्प्युटर चोरी भएको घटनाले स्थानीयले प्रहरी प्रशासनको लापरबाही र रात्री गस्ती फितलो भएको पनि स्थानीयले बताएका छन ।

प्रहरी चौकी बरियारपुरका प्रहरी नायब निरीक्षक अरुण राउतले बिहिवार राती गाउँमा बिहेबारी परेकोले प्रहरीको त्यसतर्फ ध्यान गएको मौका छोपेर विद्यालयको कम्प्युट चोरी भएको प्रतिक्रिया दिनु भएको छ । चोरी भएको कम्प्युटर लगायतको सामग्रीको खोजतलास भइरहेको उहाँले बताउनुभयो ।