बिपिन अधिकारी
निजगढ नगरपालिका वडा नम्बर ४ ले वडाका गरिव, विपन्न र जेहेन्दार छात्र/छात्राहरुलाई साइकल वितरण गरेको छ ।

वडा अन्तर्गत बसोबास गर्ने र कक्षा ११ मा अध्ययन गरिरहेका ९ छात्र र १५ जना छात्रालाई आज कछडिया टोलस्थित वडा कार्यालयमा साइकल वितरण गरिएको हो । वडा कार्यालयले सूचना गरेर साइकल प्राप्त गर्ने छात्राछात्राहरुको नाम सार्वजनिक गरेको हो ।

आईतबार बिहान १० बजे वडा कार्यालयमा एक कार्यक्रमबीच छात्रछात्राहरुलाई साइकल वितरण गरिएको वडा अध्यक्ष जयराम कुवरले बताउनु भयो । वडा कार्यालयले हरेक वर्ष वडाका विद्यार्थीहरुलाई साइकल वितरण गर्दैै आएको छ । कार्यक्रममा वडा सदस्य मिना कुमारी राउत, टेक बहादुर घिमिरे ,समाजसेवी कैलाश कुमार धामी र वडा सचिव सोमसिंह लामा लगायतको उपस्थित रहेको थियो ।