निजगढ मेयर गोल्डकपको चौथो संकरण  निजगढ मेयर गोल्डकप फुटबल प्रतियोगिता यहि फागुन ९गते शनिबार देखि संचालन हुने भएको छ ।

आयोजक निजगढ युवा क्लवले प्रतियोगिताको तयारि अन्तिम चरणमा रहेको जनाउदै शनिबारदेखि प्रतियोगिता संचालन हुने जनाएको छ ।

निजगढ मेयर कपको यो चौथो संस्करण हो । मधेशका बिभिन्न ८ वटा क्लवहरुको सहभागिता रहेको प्रतियोगिता चैत १९ गतेसम्म संचालन हुने आयोजक निजगढ युवा क्लवले जनाएकोछ । प्रतियोगितामा आयोजक निजगढ सहित बकुलिया फुटबल क्लव बारा ,बारा एघार,नवजनजागृति युवा क्लव बारा,बिरगंज युथ एकेडेमी,नेपाल खेलकुद क्लव रौतहट र हरिवन फुटबल क्लव सर्लाहीको सहभागिता रहेको छ ।

निजगढ नगरपालिका मुख्य सहयोगी रहेको रतियोगीताको बिजेताले उपाधि सहित १ लाख ५० हजार रुपैंया प्राप्त गर्नेछ भने उपविजेताले ७५ हजार रुपैंया प्राप्त गर्नेछ । प्रतियोगितामा प्रत्येक खेलको म्यान अफ द म्याचले २ हजार रुपैंया प्राप्त गर्नेछन भने विधागत रुपमा उत्कृष्ट गोलकिपर,डिफेन्स,मिडफिल्डर,स्ट्राइकर र उच्च गोलकर्ताले जनही ५ हजार रुपैंया प्राप्त गर्नेछन ।