प्रलाद तिमल्सिना / बारा                                                                                                                                                                        बाराको निजगढमा रहेको गणेश सिनेमा घर पुन सन्चालनमा आएको छ ।

केहि समय अघि विविध कारणले बन्द रहेको सो सुविधा सम्पन्न सिनेमा हल सञ्चालनमा आएको छ  । बाराका ब्यवसायीहरुको समुह फेन्ड्रस भेन्जरको लगानीमा असोज ७ गतेबाट सञ्चालनमा आएको बताउनुहुन्छ हलका व्यवस्थापन हेरीरहनु भएका बिपुल लामा ।

संचालनमा आएको गणेश सिनेमा घर निजगढकै पहिलो र पुरानो सिनेमा घर हो । सिनेमा घरमा राम्रो पर्किङ, क्यान्टिन र सिनेमा घर भित्र पनि एसी सहितआरामदायी कुर्सी जडान गरिएको छ ।  यसअघि यस क्षेत्रबाट चलचित्र हेर्न दर्शकलाई चपुर हेटौडासम्म पुग्नुपर्ने बाध्यता रहेको थियो ।निजगढबाट हामीलाई फिल्म हेर्न चपुर कि बिरगंज जानु पर्ने बाध्यता थियो तर अब त निजगढमै हेर्छौ भन्छन फिल्न हेर्न आएका निजगढका स्थानिय सागर श्रेष्ठ ।  केहि दिन देखि सञ्चालनमा आएको गणेश सिनेमाघरमा चलचित्र ‘प्रेम गीत ३’ प्रदर्शन भईरहेको छ ।

आउदो नेपाली चलचित्र बावरी लाग्ने बताउनु हुन्छ हलका अर्का व्यवस्थापक दामोदर पराजुली ।