बाराको निजगढमा प्रतिबन्धित लागुऔषध गाँजासहित १ जनालाई नियन्त्रणमा लिएको छ ।

इलाका प्रहरी कार्यालय निजगढका प्रहरी निरीक्षक सन्जिव ओलीका अनुसार बाराको निजगढ नगरपालिका वडा नम्बर ११ पुर्व टोलस्थित जंगल जाने बाटोबाट प्रहरीले १ जनालाई २ किलोग्राम गाँजासहित नियन्त्रणमा लिएको हो । अस्थायी प्रहरी पोष्ट रतनपुर बाराका प्रहरी सहायक निरीक्षक धनिकलाल ठाकुर नेतृत्वको गस्ति टोलीले चेकजाँच गर्ने क्रममा गाँजा फेला परेको हो । निजगढ नगरपालिका वडा नम्बर १२ बुङ्जोर बस्ने २३ वर्षीय बिजय गोलेले बोकेको कालो प्लाष्टिकको झोलाबाट २ किलोग्राम गाँजा बरामद भएको प्रहरीले जनाएको छ ।

प्रहरीका अनुसार गोलेलाई नियन्त्रणमा लिई थप आवश्यक कारवाहीका लागि जिल्ला प्रहरी कार्यालय कलैया पठाइएको छ ।