बारा क्षेत्र नं २ को प्रारम्भिक मत परिणाम बाहिरिएको छ । दिउसो ४ बजेको मत अपडेट अनुसार सिके राउत नेतृत्वको जनमतका शिवचन्द्र कुशवाहले ८९५ मत प्राप्त गरी अघी बढेका छन भने  जसपाका उपेन्द्र यादवले ७८७ मत प्राप्त गरेका छन् । तेस्तै  एमालेका पुरुषोत्तम पौडेलले ५२३ मत प्राप्त गरेका छन् ।

तेस्तै रवि लामिछाने नेतृत्वको रास्वपाका रमेश खरेलले भने २३९ मत ल्याएका छन् । यस्तै प्रभु शाह नेतृत्वको आम जनता पार्टीका उम्मेदवार अरुण ज्ञवालीले ८० मत प्राप्त गरेका छन् । हाल करैया १ ,२ र ३ को मतगणना कार्य भईरहेको छ ।

यस क्षेत्रमा १ लाख ५ हजार २ सय ४८ जना मतदाता रहेका थिए ।  उक्त मतदाताबाट ६८ हजार आठ सय ८७ मत खसेको र शान्तिपूर्णरुपमा मतदान सम्पन्न भएको मुख्य निर्वाचन अधिकृत मुकेश उपाध्यायले जानकारी दिएका छन् । ५ वटा पालिकामा ८२ वटा मतदान स्थल र १३७ वटा मतदान केन्द्र तोकिएको थियो ।