प्रलाद तिमल्सिना, निजगढ
लायन्स क्लव अफ निजगढ पिसको आठौ वार्षिक क्लव कन्भेन्सनबाट प्रेसिडेन्टमा निजगढ ४ का बुद्ध लामा चयन भएका छन ।

कार्यक्रम निवर्तमान प्रेसिडेन्ट बिनोद घिमिरेको अध्यक्षतामा भएको थियो । पिसको बिहिबार सम्पन्न आठौ वार्षिक क्लव कन्भेन्सनबाट लामालाई सन २०२३/२४ को प्रेसिडेन्टमा चयन गरेको हो । पिसको नवगठित समितिको सेक्रेटरिमा रन्जन लामिछाने र ट्रेजरमा सुरज गौतम लगायत चयन हुनुभएकोछ ।

कार्यक्रमको प्रमुख अतिथिमा निजगढ नगरपालिकाको उपप्रमुख सोममाया थिङ, विशिष्ट अतिथिमा वडा नं १३ का अध्यक्ष सुर्य घलान हुनुहुन्थ्यो । तेस्तै अतिथिमा लायन्सका डिस्ट्रिक तराई एरिया चिफ बिनोद भारती , डिस्ट्रिक चेयर पर्सन खडग प्रसाद उप्रेती, जोन चेयर पर्सन पवन श्रेष्ठ, लायन्स क्लब अफ निजगढका प्रेसिडेन्ट अरुण सर्राफ, लायन्स क्लब अफ निजगढ युथका चार्टर्ड प्रेसिडेन्ट ईराज कोईराला लगायतको उपस्थित रहेको थियो ।

कार्यक्रमको सन्चालन पदमप्रसाद तिमल्सिनाले गर्नु भएको थियो भने कार्यक्रम निजगढ वडा नं १३स्थित हाई डम्बरपुर रिसोर्टमा भएको थियो । क्लवले निजगढमा रहेर विभिन्न सामाजिक क्षेत्रमा कार्यहरु गर्दै आइरहेको छ ।