‘आज जातीय सद्भाव भड्काउन पाइयो भनेर भ्रष्टाचारका काण्डहरू सामसुम हुन्छ भनेर त्यतातिर आगो झोसिरहेका छन्। त्यो आगोमा म पेट्रोल मट्टीतेल हाल्दिनँ। पानी छ भने हाल्छु। नेपालको कानुनलाई मिच्न पाइँदैन। संविधानले गाइगोरु काट्न पाइँदैन भनेर स्पष्ट भनेको छ। कानुनी रूपमा बर्जित गरिएको काम गर्न पाइँदैन। कानुन मान्दिनँ भन्न पाइँदैन,’ उनले भने।

सभापति लामिछानेले सबै जातजाति मिलेर बनाएको संविधान मान्दिनँ भन्न नहुने बताए। उनले एक अर्काबीचमा बैमनश्यता खडा गरेर राजनीतिको रोटी सेक्ने काम नगर्न चेतावनी दिएका छन्।