नेपाल रेडक्रस सोसाईटी निजगढ उपशाखाको अध्यक्षमा रुद्र धिताल विजयी हुनुभएको छ ।

अध्यक्ष, उपाध्यक्ष र ४ जना सदस्यको निर्वाचनको लागि हिजो भएको मतदानमा धिताल अर्का प्रत्यासी गंगा शिवाकोटीलाई एक मतले पराजित गर्दै विजयी हुनु भएको हो । धितालले ५७ र शिवाकोटीले ५६ मत प्राप्त गर्नुभएको थियो । अध्यक्ष पदका अर्का उम्मेदवार अमृतराज उप्रतीले भने २८ मत पाउनुभएको थियो । त्यसैगरी महिला उपाध्यक्ष पदमा प्रमिलाकुमारी नेपाल ६४ मतका साथ विजयी हुनुभएको विजयी हुनुभएको छ । उहाँकी निकटम प्रतिद्धन्दी लक्ष्मी चौलागाईले ३४, धनमाया लामाले ३३ मत र बबिताकुमारी सापकोटाले १८ मत पाउनुभएको थियो ।

त्यसैगरी सदस्यमा विष्णुु खडका १०१, टेकबाहदुर भण्डारी ७२, गणेश भण्डार ६९ र छेवाङ्ग नर्र्वा लामा ६२ मत पाएर विजयी हुनुभएको छ । सचिवमा मोहनबहादुर डिसी, कोषाध्यक्षमा सुभद्राकुमारी पौडेल, उपसचिवमा बासुदेव तिमल्सिना र उपकोषाध्यक्ष पदमा गणेशबहादुर क्षेत्री यसअघि नै निर्विरोध चयन हुनुभएको थियो । कुल २ सय १८ मतदात रहेको निर्वाचनमा १ सय ४७ ले मतदान गरेका थिए ।

विजयी पदाधिकारीहरुलाई निर्वाचन समितिका संयोजक संन्तोष नेपालले हिजो नै पद तथा गोपनीयताको सपथ गराउनुको साथ निवर्तमान अधक्ष नारायण उप्रेतीले पदभार ग्रहण गराउनु भएको थियो । नयाँ नेतृत्व चयनको लागि हिजो बिहान १० बजेबाट दिउसो १ बजेसम्म मतदान कार्य भएको थियो ।