बारा प्रहरीले १० किलोग्राम लागूऔषध गाँजासहित एक जनालाई पक्राउ गरेको छ ।

प्रहरीले जीतपुरसिमरा उपमहानगरपालिका वडा नम्बर ७ स्थित टेढाबाट मकवानपुरको हेटौँडा उपमहानगरपालिका वडा नम्बर ३ बस्ने २७ वर्षीय पवन गिरीलाई पक्राउ गरेको हो । टेढा रोडदेखि पर्साको मिलन चोकतर्फ जाँदै गरेको अवस्थामा उनलाई पक्राउ गरेको बाराका प्रहरी नायब उपरीक्षक दधिराम न्यौपानेले बताउनुभयो ।

पैदल हिँडिरहेका गिरीलाई शंका लागि जाँच गर्दा उनको साथबाट २ वटा झोलाभित्र ५/५ किलोको दरले १० किलो गाँजा बरामद गरिएको बारा प्रहरीले जनाएको छ । पक्राउ परेका गिरीलाई नियन्त्रणमा लिई लागूऔषध सम्बन्धि कसुरको मुद्दामा अनुसन्धान प्रक्रिया अघि बढाइएको प्रहरीले जनाएको छ ।