बारामा मोटरसाइकलसहित एक जना चोर पक्राउ परेका छन् । बारा पर्सौनी–१ का हिरालाल रामको छोरा २२ वर्षीय सुरज राम रहेका छन् । भदौ १६ गते राति बारा पर्सौनी गा.पा.४ खुटवा टोलका महबुब मियाँ अन्सारीको घरको आगनमा राखिएको ना ३६ प ३०२५ नम्बरको सि बि साइन मोटरसाइकल चोरी भएको थियो ।

सोही सूचनाको आधारमा  जिल्ला प्रहरी  कार्यालय बारा मातहत इकाइहरूले जिल्ला बाहिर जाने सबै नाका सिल गरी चेकजाँच गर्दा चोरी भएको मोटरसाइकल सहित सुरज रामलाई  इलाका प्रहरी कार्यालय पर्सौनी ले नियन्त्रणमा लिएको जिल्ला प्रहरी प्रवक्ता डिएसपी गौतम मिश्राले बताएका छन् ।

मोटरसाइकल सहित पक्राउ  रामलाई चोरी मुद्दामा बारा जिल्ला अदालतबाट पहिलो पटक दिन ७ को म्याद अनुमति लिई हिरासतमा राखी थप अनुसन्धान भइरहेको प्रहरीले जनाएको छ ।