वाराको निजगढमा तिज विशेष कार्यक्रम सम्पन्न भएको छ । परिवर्तन नेपाल संस्थाले आयोजना गरेको सो कार्यक्रमको अध्यक्षता संस्थाकी अध्यक्ष सुमित्रा पौडेलले गर्नु भएको थियो । कार्यक्रमको प्रमुख अतिथिमा निजगढ नगरपालीकाको उपमेयर लिला देवि लामीछाने खनाल रहनु भएको थियो । त्यस्तै अतिथिमा कार्यपालिका सदस्यहरु जगतकुमारी अधिकारी, लक्ष्मी गौतम, मिनमाया लामा, महिला सहकारी अध्यक्ष सोभा राउत, खानेपानी सरसफाई निजगढको कोषाध्यक्ष सम्झना थापा, जनकल्याण संस्थाको अध्यक्ष हिरालक्ष्मी लामा, सामुदायिक बिकास संस्थाको अध्यक्ष मिरा पोखरेल रहेका थिए ।

कार्यक्रममा संस्थाकी अध्यक्ष सुमित्रा पौडेलले तिजको शुभकामना, संस्थाको उदेश्य र आगामी दिनमा संस्थालाई कसरी अगाडी बढाउने भन्ने प्रतिवेदन पेश गर्नु भएको थियो ।

प्रमुख अतिथी उपमेयर लिलादेवी लामिछाने खनालले कार्यक्रममा तिजको शुभकामना र संस्थाले आगामी दिनमा राम्रो कार्य गर्न सफल रहोस र निजगढ नगरपालीकाले सदैव सहयोग गर्ने पनि बताउनु भयो । महिलाहरुले तिजलाई भडकिलो तरिकाले नमनाउन र आफ्नो संस्कृती जोगाउन पर्ने बताउनु भयो ।

कार्यक्रममा उषा घिमिरे र दिपा सापकोटाले ब्याच बितरण गर्नु भएको थियो भने सचालन संस्थाकी उपाध्यक्ष वेद कुमारी लामिछाने र

स्वागत मनत्ब संस्थाकी सचिब दिपा सापकोटाले गर्नु भएको थियो । कार्यक्रम निजगढ स्थित निजगढ बैन्क्युट एण्ड सेमिनर हलमा भएको थियो ।